tan jan George Fyler Townsend
soweli li kama olin e mije pi pona lukin. ona li toki e ni tawa jan sewi Wenu (Venus): “o ante e mi tawa meli.” jan sewi Wenu li ante e ona tawa meli. mije li lukin e ona li kama olin e ona. ona tu li wile kama wan. ona tu li lape la jan sewi Wenu li wile sona e ni: “sijelo ona li kama ante. kon ona li kama ala kama ante?” ni la ona li pana e soweli lili lon tomo. meli li sewi tan supa lape li alasa e soweli lili tan wile moku. jan sewi Wenu li pilin ike tan ni li ante sin e meli tawa soweli.